Digital paradigma berriak bultzatuta, diseinu konputazionala metodo bat da, softwareen gaitasun integratua, programazioa eta informazio-prozesamendurako algoritmoak baliatuz diseinu-arazoak konpontzeko. CAD bezalako tresna soil baten aurrean—erabiltzailearen “eskuaren” luzapena dena—, Diseinu Konputazionala tresna edo prozesu aktibo eta iteratibo bihur daiteke, eta konputazioa erabiliz aukera zabalagoak eta aurreikuspen gutxiagokoak sortzen ditu diseinu tradizionalaren markoan, aukera emanez berrikuntza kritikoari, hau da, teknofiliara men egin gabe.

Diseinu konputazionala, oinarrian, instrukzio eta aldagai (parametro) multzo baten definizioan funtzionatzen du, diseinu-arazoaren eta muga-baldintza batzuen deskribapena eginez. Instrukzio eta aldagaien definizioa egin ondoren, algoritmoak sortzen dira (arkitekturan, batez ere grafikoak), arau horiek interpretatzeko eta, hurrengo pauso batean, algoritmo berrien bidez, aurrez definitutako parametroak betetzen dituzten soluzio automatikoak sortzeko. Azkenik, modu automatikoan sortutako modelo hauek irizpide garrantzitsuen arabera aztertzen dira (kostuak, materialaren erabilera, errendimendu termodinamikoa, etab.) soluzioa optimizatzeko.

BAIren filosofian oinarrituta, tailerraren helburua ez da Diseinu Konputazionala modu “finalista” batean erabiltzea—hau da, diseinu tradizionalaren ordezko bezala—, baizik eta diseinuaren esparrua zabaltzeko eta emaitzak optimizatzeko tresna edo instrumentu gisa, betiere printzipio honetatik abiatuta: “teknika proiektuari jarraitzen dio, ez alderantziz”. Helburu horrekin, tailerrean Rhino, Grasshopper eta 3D inprimaketa bezalako software eta sistemekin lan egingo da, ikastaro pilotuko material oinarrizkoaren –harriaren– ezagutzaren masa kritikoa aprobetxatzeko, espazio kalitatezkoak diseinatu eta eraikitzeko, materialak eskatzen dituen egitura-egonkortasun eta errendimendu energetikoari erantzunez.

TAILERRAREN DATU NAGUSIAK

Data eta lekua: 2026ko maiatzaren 12tik 15era, Nafarroako Unibertsitateko Arkitekturako Goi Eskola Teknikoa (ETSA – UNAV)

Plaza kopuru murriztua

Helburua: Arkitektura eta/edo Ingeniaritza Graduko eta Masterreko azken ikasleei, eta arkitekto edo ingeniari gazteei zuzendua. Tailerra irekita dago, halaber, arloarekin lotutako goi-mailako LHko ikasle edo tituludun berrientzat (D eta E mailak).

Izen-ematea: Doakoa. Tailerra %100 diruz lagundua, matrikularik gabe.

Izen-emate epea: 2026ko apirilaren 15era arte. IZEN-EMATE FORMULARIORA SARTU

Irakaslea: Jesús Medina, Diseinu Konputazional eta Fabrikazio Digitaleko aditua, ETH Zúricheko.

Informazio gehiago: Tailerraren aurkezpen-kartela eta azalpen-dossierra.